.jpg&w=3840&q=85)
Soomaaliya, 7 Oktoobar 2025 — Ciidamada Hay’adda Sirdoonka iyo Nabadsugidda Qaranka (NISA), oo kaashanaya saaxiibada caalamiga ah, ayaa howlgal qorshaysan ka fuliyay deegaanka Basra ee Gobolka Shabeellaha Dhexe habeenkii Isniinta, kaasoo ku dhintay todobo xubnood oo Al-Shabaab ah, oo ay ku jiraan qaar ka mid ah hoggaamiyeyaashooda, halka saddex kalena ay ku dhaawacmeen.
Sida lagu sheegay war-saxaafadeedka NISA, xog sirdoon ayaa muujisay in kooxda ay qorsheynayeen weeraro ka dhanka ah inta u dhexeeya Muqdisho iyo Balcad. Qiyaastii 40 xubnood ayaa ku sugnaa goobta markii ay ciidamada ammaanka fuliyeen howlgalka, waxaana sidoo kale la burburiyay teendihii ay ku dhuumaaleysanayeen.
“Howlgalka si guul leh ayuu ku soo dhamaaday, waxaana si buuxda looga hortagay weerarkii la qorsheeyay. Ma jirin wax dhaawac ah oo soo gaaray shacabka,” ayuu yiri NISA.
NISA ayaa tilmaantay in howlgalka uu si buuxda u burburiyay qorshihii weerarka isla markaana aan waxyeello u geysan shacabka.
Deegaanka Basra ee Gobolka Shabeellaha Dhexe waa goob istiraatiiji ah oo ku taalla inta u dhexeysa magaalooyinka Balcad iyo Afgooye. Goobtan ayaa ah meel istiraatiji ah oo howlgallada milatari ee kala duwan ay ka dhacaan kuwasa oo u dhexeeya dowladda iyo Alshabaab.