Diyaarad nooceedu yahay De Havilland Dash 8 oo ay maamusho Qaramada Midoobay, islamarkaana ay saarnaayeen 22 qof, ayaa si degdeg ah dib ugu soo laabatay Garoonka Diyaaradaha ee Muqdisho iyadoo isticmaashay caloosheeda, kadib markii lugta hore ama giraangirta diyaaradda ay shaqeyn waysay.
Shilka diyaaradda ayaa dhacay maanta abaaro 1:30 duhurnimo xilliga Muqdisho, iyadoo diyaaradda ay ka duushay garoonka Aadan Cadde saacado ka hor, kuna sii jeeday magaalada Baydhabo ee maamulka Koonfur Galbeed Soomaaliya.