Diyaaradaha F-16 ee Turkiga oo Muqdisho soo gaaray

Muqdisho, 28 Janaayo 2026 (Dawan) — Saddex diyaaradood oo dagaal oo nooca F-16 ah ayaa Arbacadii soo gaaray Muqdisho, kuwaas oo qeyb ka ah ballaadhinta taageerada ay Turkigu siiso Soomaaliya ee dagaalka lagula jiro kooxda Al-Shabaab.

Diyaaradahan F-16, oo ay weheliyaan labo diyaaradood oo qumaatiga u kaca ah, ayaa la filayaa inay xoojiyaan howlgallada socda ee ciidamada Soomaaliya ka wadaan koonfurta iyo bartamaha dalka, sida ay u sheegeen Dawan Media mas'uuliyiinta dowladda.

Imaanshahan ayaa kusoo beegmay kadib markii toddobaadkan Turkigu uu ka qeyb qaatay dagaal toos ah oo lala galay Al-Shabaab, kaas oo ka dhacay goob istiraatiiji ah oo ku dhow goobta loogu talagalay in mustaqbalka laga dhiso dayax-gacmeedka ay dowladda Turkigu ka hirgelineyso Soomaaliya

Ankara ayaa Soomaaliya ka taageerta dhinacyo badan oo ay ka mid yihiin tababarada ciidamada, taageerada dhanka saadka ah, iyo qalab militari, iyadoo diyaaradaha F-16 ay yihiin tallaabo cusub oo lagu xoojinayo taageerada dhinaca militari ee la siiyo Soomaaliya si loo wiiqo awoodda Al-Shabaab.