Soo raraya...
Maqaalka waa la soo dejinayaa...
Dowlad Deegaanka Soomaalida ayaa 1,424 neef oo ari ah u qaybisay bulshooyinka barakaca ah ee gobolka Liibaan, iyadoo taageeradan ay ka faa’iideysteen 89 iskaashato oo ka dhisan degmada Dhekasuuftu.
Jigjiga (Dawan) – Machadka Cilmibaadhista Xoolaha iyo Beeraha ee Dowlad Deegaanka Soomaalida, oo kaashanaya Machadka Casriyeynta Beeraha ee Itoobiya, ayaa 1,424 neef oo ari ah u qaybiyay bulshada barakaca ah ee ku nool degmada Dhekasuuftu ee gobolka Liibaan, sida uu sheegay SRTV Somali.
Xoolaha la qaybiyay ayaa qayb ka ah mashruuc loogu talagalay taageeridda bulshada barakaca ah iyo xoojinta ilaha nolol-maalmeedka ee qoysaska nugul.
Maqaallo la xidhiidha
Taageeradan ayaa gaartay 89 iskaashato oo ka dhisan saddex tuulo oo ka tirsan degmada Dhekasuuftu.
Maareeyaha Xarunta Cilmibaadhista Xoolaha iyo Beeraha Doollo-Ado, Ibraahim Cabdi, oo ka hadlay goobtii lagu qaybinayay xoolaha, ayaa iskaashatooyinka ku booriyay inay si habboon uga faa’iideystaan taageeradan loo fidiyay.
Mas’uuliyiinta mashruuca ayaa sheegay in barnaamijkani uu qeyb ka yahay dadaallada lagu xoojinayo isku filnaanshaha bulshada barakaca ah iyo horumarinta dhaqaalaha xoolo-dhaqatada ee deegaanka.
