Soomaaliya oo tacsi u dirtay Masar kadib shil tareen oo dhimasho iyo dhaawac geystay

Wasaaradda Caafimaadka Masar ayaa xaqiijisay in toddobo qof ay ku dhinteen shilka, halka 112 qof oo kalena ay ku dhaawacmeen. Shilku wuxuu dhacay markii tareen ka soo baxay Giza kuna sii jeeday Fayoum uu gadaal ka jiiray tareen kale oo taagnaa, kaas oo ka yimid Qaahira kuna sii jeeday Aswan. Shilku wuxuu ka dhacay deegaanka Al-Ayyat ee koonfurta Qaahira, waxaana dhowr ka mid ah gaadiidka tareenka ka leexdeen birihii uu ku socday, sida ay sheegeen mas’uuliyiinta Masar.

Madaxweynaha Masar, Cabdifataax Al-Siisi, ayaa amray in si degdeg ah loo sameeyo baaritaan lagu ogaanayo sababaha shilka, si tallaabo loola qaado cid kasta oo lagu helo dayacaad.