Soomaaliya, 22 Janaayo 2026 (Dawan)— Dowladda Federaalka Soomaaliya ayaa maanta oo Khamiis ah sheegtay in Ciidanka Xoogga Dalka Soomaaliyeed, oo ay taageerayaan Ciidamada Amniga Jubbaland iyo saaxiibada caalamka, ay ku dileen in ka badan 130 xubnood oo ka tirsan Al-Shabaab, kadib dagaal socday in ka badan 24 saacadood oo ka dhacay magaalada Kudhaa ee gobolka Jubbada Hoose.
"Howlgalkan wadajirka ah ayaa cadowga lagu gaarsiiyay jab culus iyo khasaare ballaaran, iyadoo la dilay in ka badan 130 dhagarqabe, laguna dhaawacay tiro kale oo intaas ka badan, kaddib dagaal toos ah oo ay ciidamadu si geesinimo leh uga hortageen weerarka" ayaa lagu yiri, war-saxaafadeed kasoo abxay Wasaaradda Gaashaandhigga.
Wasaaradda Gaashaandhigga ayaa intaas ku dartay in ciidamada dowladda iyo kuwa Jubbaland inay gacanta ku dhigeen hub iyo gaadiid dagaal oo ay ka carareen dagaalamayaashii Al-Shabaab ee weerarka soo qaaday, sida lagu xusay war-saxaafadeedka.
