Jabuuti (Dawan) – Duulimaadyada xujeyda Jabuuti ayaa Sabtidii si rasmi ah u billowday iyadoo saddex diyaaradood ay qaadeen 140 qof oo ka baxay dalka.
Xujeydan ayaa ah qeybtii ugu horreysay ee ka mid ah duulimaadyada Xajka sanadkan, waxaana la filayaa in maalmaha soo socda ay baxaan qeybaha kale ee xujeyda Jabuuti.
Mas’uuliyiinta qaabilsan howlaha Xajka ayaa sheegay in qabanqaabada safarka, dukumentiyada, adeegyada caafimaadka iyo adeegyada kale ee la xiriira xujeyda la sii xoojiyay si loo fududeeyo safarka dadka u socda Sacuudi Carabiya.
Jabuuti ayaa sanad kasta dirta in ka badan 1,500 oo xujey ah oo tagta Sacuudi Carabiya si ay u gutaan waajibaadka Xaj, oo ka mid ah tiirarka ugu waaweyn ee Islaamka.