Eritrea oo Itoobiya ku eedeysay hurinta xasilooni-darrada Geeska Afrika

Asmara (Dawan)— Eritrea ayaa Itoobiya ku eedeysay inay si firfircoon uga shaqeyneyso xasilooni-darrada Geeska Afrika, iyadoo labada dal ay mar kale isku weydaarsanayaan eedeymo culus, xilli xiriirkooda uu wajahayo xiisad sii kordheysa.

Wasaaradda Arrimaha Dibadda Eritrea, Cismaan Saalax ayaa Sabtidii sheegtay in xisbiga talada haya Itoobiya ee Prosperity Party uu wado tallaabooyin ay Asmara ku tilmaantay kuwo lagu carqaladeynayo xasilloonida gobolka.

Eritrea waxay sidoo kale ku eedeysay dowladda Itoobiya inay martigeliso, tababarto, isla markaana dhaqaale siiso kooxo ay sheegtay inay wataan ajande lagu doonayo in lagu beddelo nidaamka ka jira Asmara. Eedeymaha Eritrea kuma koobna oo keliya arrimaheeda gudaha.

Asmara ayaa sidoo kale ku eedeysay Itoobiya inay taageerto oo dhiirrigeliso Ciidamada Taageerada Degdegga ah ee Suudaan (RSF), kuwaas oo tan iyo bishii Abriil 2023 dagaal kula jira ciidamada qalabka sida ee Suudaan.

Itoobiya ayaan ka jawaabin eedeymahan, sida ay sheegtay wakaaladda wararka ee AFP.

Eedeymahan cusub waxay muujinayaan sida uu mar kale hoos ugu sii dhacayo xiriirkii labada dal, kaas oo dib loo soo celiyay sannadkii 2018, markaas oo Ra’iisul Wasaaraha Itoobiya Abiy Axmed iyo Madaxweynaha Eritrea Isaias Afwerki ay ku dhawaaqeen inuu dhammaaday xaaladdii dagaal ee muddada dheer ka dhex jirtay labada dal.

Labada dhinac ayaa markii dambe iska kaashaday dagaalkii Tigray ee billowday 2020, balse xiriirkooda ayaa mar kale galay marxalad mugdi ah kaddib heshiiskii Pretoria ee 2022 iyo isbeddelladii siyaasadeed ee ka dambeeyay. Waxaa xiisadda sii culus ka dhigaya damaca Itoobiya ee helitaanka marin joogto ah oo ay ku gaarto Badda Cas.

Itoobiya, oo aan bad lahayn tan iyo markii Eritrea ay madax-bannaanideeda qaadatay 1993, ayaa sannadihii u dambeeyay sare u qaaday doodda ku saabsan muhiimadda ay u leedahay helitaanka marin badeed.

Khilaafkan cusub ayaa ku soo beegmaya xilli Geeska Afrika uu wajahayo isbeddello amni iyo siyaasadeed oo waaweyn, iyadoo xiriirka Itoobiya iyo Eritrea uu mar kale noqonayo mid si dhow loola socdo.

Eritrea oo Itoobiya ku eedeysay hurinta xasilooni-darrada Geeska Afrika

Muran Jante ka bilowday kuna dhammaaday dil: Askari lagu xukumay dil toogasho

Aqalka Sare Soomaaliya oo ansixiyay sharciga macdanta iyo wax-ka-beddelka iibka qaranka

Guddi farsamo oo loo xilsaaray xallinta tabashooyinka ganacsatada Soomaaliyeed

Golaha Shacabka oo akhrinta koowaad marsiiyay heshiis ku saabsan iskaashiga macdanta Afrika

Maqaallo La Xidhiidha

Ra’iisul Wasaare Xamsa oo la xisaabtan iyo qiimeyn ku sameeyay Golihiisa Wasiirrada

Soomaaliya iyo Talyaaniga oo dardargelinaya iskaashiga horumarinta wax-soo-saarka kalluunka

Qodobada ugu muhiimsan ee Wararka Dawan

Qaybaha

Qoraallo Cusub

Eritrea oo Itoobiya ku eedeysay hurinta xasilooni-darrada Geeska Afrika

Muran Jante ka bilowday kuna dhammaaday dil: Askari lagu xukumay dil toogasho

Aqalka Sare Soomaaliya oo ansixiyay sharciga macdanta iyo wax-ka-beddelka iibka qaranka