Muqdisho (Dawan) – Madaxa shirkadda caalamiga ah ee dekedaha iyo saadka, Suldaan Axmed bin Sulayem, ayaa xilka ka degay kaddib markii warbaahinta caalamiga ah ay shaacisay Emails muujinaya xiriir hore oo uu la lahaa maalqabeenkii Mareykanka, Jeffrey Epstein, kaas oo lagu eedeeyay xadgudubyo ka dhan ah carruurta..
Shaacinta Emails-ka ayaa dhalisay baaritaanno, walaac caalami ah, iyo dhaleeceyn ka timid maalgashadeyaal, dowlado, iyo la-hawlgalayaal ganacsi, inkasta oo aan jirin eedeyn dambiyeed oo si toos ah loo soo jeediyay.
DP World ayaa sheegtay in isbeddelka hoggaanka loo sameeyay si loo ilaaliyo sumcadda shirkadda loona xoojiyo kalsoonida daneeyayaasha, iyadoo shirkaddu sidoo kale magacawday hoggaan cusub, kala saartayna xilalka guddoomiyaha iyo maamulaha guud si dib loogu soo celiyo kalsoonida loona xasiliyo hawlaha ganacsi.
