Galmudug, 1 December 2025 — Wasaaradda Arrimaha Gudaha ee Galmudug ayaa beenisay wararka sheegaya in xubno ka tirsan Xisbiga Cadaalada iyo Wadajirka (JSP) ay ugu magacaabeen wakiillo degmooyin gaar ah, iyada oo ku tilmaantay tallaabada mid aan sal iyo raad sharciga waafaqsanayn.
Magacaabistan, oo uu Ururka JSP ku faafiyey baraha bulshada Axadii, ayaa waxaa lagu magacaabay Cabdimanaan Maxamed Cismaan oo loo magacaabay wakiilka xisbiga ee Degmada Gaalkacyo, Gobolka Mudug, iyo Cali Axmed oo loo magacaabay wakiilka Degmada Cadaado, Gobolka Galgaduud.
Warsaxaafadeed xalay la soo saaray, Wasaaradda ayaa sheegtay in magacaabistaas waxba kama jiraan yihiin, isla markaana ay diyaarineyso habraacyo hagaya sida ay xisbiyada siyaasadu uga qaybgalayaan doorashooyinka, gaar ahaan heerka golayaasha deegaanka.
Wasaaradda ayaa sidoo kale ballanqaaday inay baaritaan ku sameyn doonto cid kasta oo masuul ka ah tallaabooyinkan, kuwaas oo sharci darro lagu tilmaamay. “Wasaaradu waxay baaritaan ku heysaa cidii ka danbeysay talaabadaas masuuliyad darrada ah,” ayaa lagu yiri qoraalka Wasaaradda.
