Galmudug Oo Shaacisay Natiijada Imtixaanka Dugsiyada Dhexe.

Galmudug (Dawan)- Wasaaradda Waxbarashada Dowlad-goboleedka Galmudug ayaa shaacisay natiijada rasmiga ah ee imtixaanka dugsiyada dhexe ee sanadkan, iyadoo muujisay koror ku yimid heerka gudubka ardayda marka loo eego sannadkii hore.

Sida ay wasaaraddu sheegtay, imtixaanka ayaa laga qaaday 41 xarumood oo ku yaalla deegaannada Galmudug, waxaana u fariistay 8,104 arday, kuwaas oo isugu jiray 4,180 wiil iyo 3,924 gabdhood.

Natiijada la shaaciyay ayaa muujinaysa in 7,881 arday ay ku guuleysteen imtixaanka, halka 223 arday ay ku hareen. Ardayda hartay ayaa isagu jirta 116 gabdhood iyo 107 wiil.

Ardayda gudubtay ayaa kala ah 4,073 wiil iyo 3,808 gabdhood, taasoo ka dhigan in heerka gudubka sanadkan uu gaaray ku dhowaad 97.2 boqolkiiba, halka boqolkiiba 2.8 oo keliya ay hareen.

Wasaaradda Waxbarashada Galmudug ayaa sheegtay in marka loo eego sanadkii hore, oo boqolkiiba 21 ee ardaydu ku hareen imtixaanka, sanadkan ay si weyn hoos ugu dhacday tirada ardayda ku hartay, taasoo muujinaysa horumar laga sameeyay tayada waxbarashada.

Maamulka Galmudug ayaa sidoo kale xusay in uu muddo siddeed sano ah si joogto ah u maamulayay imtixaannada dugsiyada dhexe, isla markaana shantii sano ee u dambeysay ay kor u kacaysay tirada ardayda u gudbaysa dugsiyada sare.

Galmudug Oo Shaacisay Natiijada Imtixaanka Dugsiyada Dhexe.

Xildhibaan Saadaq: “Dagaalkii Baydhabo ma ahayn weerar argagixiso”

Baarlamaanka Soomaaliya oo bilaabay hannaanka dhismaha Hay’adda Dakhliga Qaranka

Maxay ka dhigan tahay ku biirista Soomaaliya ee Aagga Ganacsiga Xorta ah ee Qaaradda Afrika?

Maxay iska kaashadaan Somaliland iyo Puntland ?

Maqaallo La Xidhiidha

NISA oo sheegtay in hawlgal ka dhacay Hiiraan lagu dilay saddex horjooge oo Al-Shabaab ah

Jabuuti iyo UNHCR oo ka wada hadlay maamul-daadejinta iyo horumarinta deegaannada

Wasaaradda Gaashaandhigga oo sheegtay in ciidanka dowladdu ay Baydhabo ku dileen ku dhowaad 30 dagaallame

Qoraallo Cusub

Galmudug Oo Shaacisay Natiijada Imtixaanka Dugsiyada Dhexe.

Xildhibaan Saadaq: “Dagaalkii Baydhabo ma ahayn weerar argagixiso”

Baarlamaanka Soomaaliya oo bilaabay hannaanka dhismaha Hay’adda Dakhliga Qaranka

Qaybaha