Soomaaliya, 22 Febraayo 2026 (Dawan) — Xarunta Gargaarka iyo Bani’aadantinimada ee Boqor Salmaan ayaa gargaar degdeg ah gaarsiisay qoysaska ay abaartu saameysay ee degmada Eyl ee Puntland, taasoo qayb ka ah dadaallada lagu wajahayo dhibaatada bini’aadantinimo ee ka sii daraysa gobolka.
Qaybinta gargaarkan, waxaa fuliyay Ururka Tadamun , iyada oo la gaarsiiyey ku dhowaad 300 oo qoys oo ku nool deegaanka Ceel-Madoobe. Maamulka deegaanka iyo wakiillo ka socday Tadamun ayaa si wadajir ah u maareeyay gaarsiinta sahayda muhiimka ah ee dadka deegaanka, kuwaas oo hadda wajahaya biyo-la’aan ba’an iyo daaq-la’aan soo wajahday xoolahooda.
