Maqaalka waa la soo dejinayaa...

Soo raraya...

Geelle oo 5 safiir u ogolaaday inay guda galaan howlahood diblomaasiyadeed | Dawan TV | Dawan TV

Geelle oo 5 safiir u ogolaaday inay guda galaan howlahood diblomaasiyadeed

December 16, 2025

2 daqiiqo akhris

Jabuuti, 15 December 2025 (Dawan)- Madaxweynaha Jamhuuriyadda Jabuuti, Ismaaciil Cumar Geelle, ayaa Isniintii ku qaabilay Qasriga Madaxtooyada safiirada Canada, Switzerland, Indonesia, Mexico, iyo Venezuela, kuwaas oo si rasmi ah u gudbiyay waraaqahooda aqoonsiga.

Safiirrada cusub ayaa kala ah; Safiirka Switzerland Riccarda Chanda, Safiirka Canada Nicolas Simard, Safiirka Indonesia Faizal Chery Sidharta, Safiirka Mexico Alejandro Ives Estivill Castro, iyo Safiirka Venezuela Eddy Jose Cordova.

Intii lagu guda jiray munaasabadda, safiirradu waxay muujiyeen rabitaankooda ah in la xoojiyo xiriirka saaxiibtinimo iyo iskaashi ee u dhexeeya dalalkooda iyo Jabuuti, iyagoo diiradda saaray dhinacyada amniga, ganacsiga, tamarta, cilmi-baarista, iyo iskaashiga caalamiga ah.

safiirka Canada Marwo Riccarda Chanda — MW Geelle iyo safiir Riccarda Chanda

Maqaallo la xidhiidha

8 daqiiqo kahor

CC Shakuur: Doorashada dhan waa lacag dhiqis

2 saac kahor

Laftagareen oo Taliyaha TurkSom kala hadlay tayeynta ciidamada Koonfur Galbeed

Safiirka Canada, Nicolas Simard, ayaa sheegay in Canada ay dooneyso in ay ballaariso iskaashiga ay la leedahay Jabuuti, gaar ahaan dhinacyada nabadda iyo amniga, isbeddelka cimilada, iyo tamarta, isaga oo bogaadiyay heshiis dhowaan Jabuuti ay la saxiixatay shirkad Canadian ah oo ka shaqeysa tamarta.

Safiirka Indonesia, Faizal Chery Sidharta, ayaa dhankiisa xusay xiriirka taariikhiga ah ee labada dal, isagoo muujiyay in Indonesia ay danaynayso xoojinta iskaashiga ganacsiga, tamarta, kaabeyaasha, iyo ganacsiga badda. Dhanka kale, Safiirka Venezuela, Eddy Jose Cordova, ayaa bogaadiyay hoggaanka Madaxweyne Geelle, isagoo muujiyay doonista Venezuela ee ah in la ballaariyo iskaashiga labada dal.

Madaxweynaha Jabuuti ayaa safiirrada u xaqiijiyay taageerada buuxda ee Dowladda iyo Shacabka Jabuuti, si ay ugu guuleystaan gudashada waajibaadkooda diblomaasiyadeed ee ay dalka u yimaadeen.