Golaha 7-Aad Ee Dds Oo Doortay Guddoonkiisa, Mustafe Cagjarna Mar Kale Loo Doortay Madaxweyne

JIGJIGA, 1 Oktoobar 2026 – Kal-fadhiga 1-aad ee Golaha 7-aad ee Xildhibaanada Dowlad Deegaanka Soomaalida (DDS) ayaa Mubashir Dubad Raage u doortay Afhayeenka Golaha Xildhibaanada, halka Marwo Inj. Xanaan Cabdo loo doortay Afhayeen Ku-xigeenka.

Mubashir Dubad Raage oo loo doortay xilka afhayeenka ayaa horey uga soo shaqeeyay xukuumadda DDS, isagoo soo noqday Wasiirka Qorsheynta ee dowlad deegaanka. Wuxuu xilka ka beddelay Marwo Ayaan Cabdi Maxamed, oo ahayd afhayeenkii golihii hore, iyada oo ahayd haweeneydii ugu horreysay ee taariikhda golaha DDS loo doorto afhayeen.

Isla kal-fadhiga, golaha ayaa Mustafe Muxumed Cumar (Cagjar) mar kale u doortay Madaxweynaha DDS, halka Ibraahim Cismaan Faarax loo doortay Madaxweyne Ku-xigeen. Labaduba waa xubno ka tirsan Xisbiga Barwaaqada Soomaalida, iyaga oo horay usoo haayay xillkaan.

Mustafe Cagjar wuxuu xilka qabtay bishii 2018, kadib markii xilka laga qaaday madaxweynihii hore Cabdi Maxamuud Cumar (Cabdi Iley), tan iyo markaas asaga ayaa hogaamiyay dowlad deegaanka Soomaalida.

Golaha 7-aad wuxuu ka dhashay doorashadii guud ee 7-aad ee Itoobiya, oo dhacday 1-dii Juun 2026, taas oo lagu doortay xildhibaannada baarlamaanka federaalka iyo golayaasha dowlad deegaannada.

Golayaasha dowlad deegaannada kale ee Itoobiya ayaa iyaguna toddobaadkan furay muddo-xileedkoodii cusub. Golaha Oromiya ayaa 28-kii Sebtembar furay kal-fadhigiisii ugu horreeyay, Shimelis Abdisa-na dib ayaa loogu doortay madaxweyne.

Kal-fadhiga waxaa la filayaa inuu sii socdo, iyadoo marka xigta la filayo in la ansixiyo golaha wasiirrada cusub ee xukuumadda DDS.

Golaha 7-Aad Ee Dds Oo Doortay Guddoonkiisa, Mustafe Cagjarna Mar Kale Loo Doortay Madaxweyne

Masuuliyiin Soomaaliyeed oo Kaga Qaybgalay Maaraynta Deynta oo ay Ka Qaybgalayaan 22 Dal oo Afrikaan ah

Itoobiya oo Xiraysa Safaaraddeeda Asmara, Dalkana ka Eryaysa 10 Diblomaasi oo Eritrean ah

Isbitaalka Dr. Sumait oo Tababaray 23 Farmashiiste si loo Xuso Maalinta Farmashiistayaasha Adduunka 2026

Tigray, Baydhabo, Abiy iyo Xasan: Kee La Caawiyaa, Keese Wax Caawiya?

Maqaallo La Xidhiidha

Magaalooyinka Waqooyi-bari Kenya oo wajahaya kulayl daran ka hor xilli roobaadka

Jabuuti oo xoojisay nadiifinta biyo-mareennada kahor El Niño

Hoggaamiyeyaasha Gaarisa oo dalbaday shaqaalaysiinta macallimiin gaaraya 1,700

Qoraallo Cusub

Afar shaqaale ilaa in ka badan 100: Sheekada Xadiid iyo sida birtu u beddeshay dhismaha Muqdisho

Masuuliyiin Soomaaliyeed oo Kaga Qaybgalay Maaraynta Deynta oo ay Ka Qaybgalayaan 22 Dal oo Afrikaan ah

Itoobiya oo Xiraysa Safaaraddeeda Asmara, Dalkana ka Eryaysa 10 Diblomaasi oo Eritrean ah

Qaybaha