Kenya, 12 Nofeembar 2025 — Golaha Mustaqbalka Soomaaliya, oo ka kooban Madasha Samatabixinta Soomaaliyeed ee Mucaardka ah iyo dowlad-goboleedyada Jubaland iyo Puntland, ayaa ku eedeeyay dowladda federaalka inay siyaasadeeysay socdaalka dalka si dano gaar ah loogu adeegsado, taasoo ay ku tilmaameen mid halis gelinaysa midnimada iyo wadajirka dalka.
Eedeyntan ayaa lagu soo bandhigay bayaan aka ka soo sareen shir saddex maalmood ah oo ka dhacay Nairobi, kaasoo looga hadlay xaaladda siyaasadda iyo amniga, diyaar-garowga doorashooyinka federaalka ee 2026, iyo qorsheyaasha Golaha Mustaqbalka ee shirweynaha qaranka.
Golaha ayaa sheegay in tallaabooyinka noocan oo kale ah, oo ay ka mid yihiin ku takrifalka awoodda, wax ka bedel lagu sameeyo Dastuurka KMG 2012, iyo faragelinta hay’adaha dowladda, ay khatar gelinayaan nidaamka federaalka, horumarka dimuqraadiyadda, iyo midnimada dalka.
