Golaha Shacabka oo ansixiyey Hisndise sharciyeedka la dagaalanka burcad-badeedda

Soomaaliya, 10 November 2025 — Golaha Shacabka Baaolmaaanka Soomaaliya ayaa si wadajir ah u ansixiyey Hindise Sharciyeedka dib u eegista sharciga la dagaalanka burcad badeedka iyo ka hortaga afduubka (Sharciga No. 36, markii ugu horreysay la dhaqan geliyey 30-kii Abriil 1975), kaasoo lagu xoojinayo awoodda dalka ee la dagaallanka dambiyada badda. Dhammaan 140-ka xildhibaan ee joogay maanta ayaa codkooda ku taageeray.

Burcad-badeedda Soomaaliya waxay ka dhalatay tobanaan sano oo xasilooni-darro, maamul daciif ah, iyo biyo aan la xakameyn. Waxay markii hore ka bilaabatay kalluumaysi sharci-darro ah oo ajnabi ah, iyadoo u gudubtay afduubka maraakiibta ganacsiga, gaar ahaan intii u dhaxeysay 2008 ilaa 2011. Inkastoo dhacdooyinku hoos u dhaceen, burcad-badeedda ayaa weli ah khatar, taasoo ka dhigaysa dib-u-habaynta sharciga mid muhiim ah oo ku saabsan amniga badda.

Sharcigu wuxuu dhigaya:

• 5–20 sano oo xabsi ah burcad-badeedda,

• 10–20 sano oo xabsi ah afduubka,

• 5–10 sano oo xabsi ah ajnabi kasta oo si sharci-darro ah u kalluumaysta biyaha Soomaaliya.

Sidoo kale, sharcigu wuxuu dowladda federaalka siinayaa awood ay ku qabato hanti laga helay burcad-badeedda ama dambiyada afduubka, isla markaana lagu celiyo hantida gaarka ah milkiilaha saxda ah.

Wasiirka Cadaaladda, Xasan Macallim, ayaa sheegay in sharcigu uu u oggolaanayo Soomaaliya in ay si hufan u ciqaabto dambiyada badda, kor u qaado iskaashiga caalamiga ah, iyo ilaalinta xuquuqda aadanaha. “Sharcigan wuxuu u oggolaanayaa Soomaaliya in ay ka dacwoodo dambiyada ka dhaca biyaha caalamiga ah, wuxuu dhiirrigelinayaa iskaashiga caalamiga ah, wuxuu ilaaliyaa xuquuqda aadanaha, wuxuuna dib u soo celiyaa awoodda garsoorka Soomaaliya ee dambiyada badda,” ayuu yiri Mo’allim.

Guddoomiyaha Guddiga Diinta iyo Cadaaladda ee Baarlamaanka Soomaaliya, Cali Xaaji Daahir, ayaa adkeeyey in sharcigu uu la jaanqaadayo heerarka caalamiga ah, islamarkaana ujeeddadiisu tahay ilaalinta khayraadka badda ee dalka. “Badeecadeena badda muddo dheer waa la dayacay. Sharcigan wuxuu xaqiijinayaa inaan hayno xeerar waafaqsan heerarka caalamiga ah si aan ula dagaallano dambiyada oo aan u ilaalino khayraadkeenna,” ayuu yiri Cali Xaaji.

Hindise Sharciyeedkaan wuxuu sharci noqonyaa marka uu ansixiyo Aqalka Sare isla markaan uu saxiixo Madaxweynaha Soomaaliya.