Goorma ayaa loo asteeyay ku dhawaaqista natiijada imtixaanka dugsiga sare?

Cabdulqaadir wuxuu carrabka ku adkeeyay in waxbarashadu tahay hawl muddo dheer ah oo u baahan maalgelin iyo kormeer joogto ah, halkii ay ka ahaan lahayd mashruuc muddo gaaban lagu soo gabagabeeyo.

Wuxuu sidoo kale ku baaqay in fiiro dheeraad ah loo yeesho waxa ardayda lagu barayo dugsiyada, isagoo sheegay in dugsiyadu aysan ku koobnaan waxbarashada aqoonta oo keliya, balse ay sidoo kale kobciyaan akhlaaqda wanaagsan iyo jawi waxbarasho oo wanaagsan.

Wasiirka ayaa sheegay in dowladda ay sannadkan xoogga saari doonto kormeerka dugsiyada iyo qiimeynta jawiga waxbarasho, kaabeyaasha iyo qalabka dugsiyada.

Wuxuu sheegay in guddiyo kormeer ah loo diri doono dugsiyada si ay u qiimeeyaan xaaladdooda, isagoo intaas ku daray in dugsiyada aan buuxin shuruudaha looga baahan yahay la xiri karo, haddii ay yihiin kuwo dowladeed ama kuwo gaar loo leeyahay.

Cabdulqaadir wuxuu sidoo kale mas’uuliyiinta waxbarashada ugu baaqay inay hagaajiyaan nadaafadda iyo dayactirka dhismayaasha iyo xarumaha dugsiyada, isagoo sheegay in dugsiyadu ardayda u abuuraan jawi ammaan ah oo ku habboon waxbarashada.

Wuxuu sheegay in diiradda Wasaaradda Waxbarashadu ay ka wareegayso oo keliya kordhinta tirada dugsiyada iyo dhismayaasha, loona baahan yahay in la hubiyo in xarumaha jira si wanaagsan loo ilaaliyo isla markaana ay bixiyaan waxbarasho tayo leh.