Guddiga Doorashada Guddoomiyaha Golaha Shacabka oo la magacaabay

Muqdisho (Dawan) – Golaha Shacabka ee Baarlamaanka Federaalka Soomaaliya ayaa si rasmi ah u guda galay hannaanka doorashada Guddoomiyaha cusub, kaddib markii Guddoomiyaha ku-meel-gaarka ah ee Golaha Shacabka, ahna Guddoomiye Ku-xigeenka Koowaad, Sacdiya Yaasiin Xaaji Samatar, ay magacawday guddiga qabanqaabinaya doorashada.

Wareegto ka soo baxday xafiiska Guddoomiyaha ku-meel-gaarka ah ayaa lagu magacaabay sagaal xildhibaan oo ka tirsan Golaha Shacabka, kuwaas oo loo xilsaaray maamulka iyo habsami-u-socodka doorashada Guddoomiyaha Golaha Shacabka, si waafaqsan Dastuurka Federaalka iyo Xeer-hoosaadka Golaha Shacabka.

Xubnaha guddiga ayaa kala ah:

Xildhibaan Cabdirisaaq Cumar Maxamed

Xildhibaan Cabdi Ibraahim Warsame (Qowdhan)

Xildhibaan Jawaahir Aadawe Cabdi

Xildhibaan Cabdullaahi Xuseen Cali (Cabdalla)

Xildhibaan Nuur Axmed Diriye

Xildhibaan Mukhtaar Maxamed Guuleed

Xildhibaan Cabdiraxmaan Maxamed Sheekh

Xildhibaan Khadra Maxamed Tukaale

Xildhibaan Cabdikariim Maxamed Diriye

Wareegtada ayaa sidoo kale lagu faray xubnaha guddiga inay si degdeg ah u guda galaan waajibaadkooda, isla markaana xaqiijiyaan in doorashadu u dhacdo si hufan, daahfuran, isla markaana waafaqsan shuruucda dalka.

Sacdiya Yaasiin Xaaji Samatar ayaa si ku-meel-gaar ah u haysa xilka Guddoomiyaha Golaha Shacabka tan iyo markii uu bannaanaaday kursiga guddoomiyaha, kaddib markii Guddoomiyihii hore, Sheekh Aadan Maxamed Nuur (Aadan Madoobe), loo doortay Hoggaamiyaha Dowlad-goboleedka Koonfur Galbeed 10-kii Juun 2026.

Aadan Madoobe ayaa markii labaad loo doortay Guddoomiyaha Golaha Shacabka bishii Abriil 2022, isagoo sidoo kale xilkaas soo qabtay intii u dhexeysay Janaayo 2007 iyo May 2010 xilligii Baarlamaanka Federaalka Ku-meel-gaarka ahaa, taasoo ka dhigaysa siyaasi muddo dheer ka soo dhex muuqday hoggaanka Baarlamaanka Soomaaliya.

Magacaabista guddigan ayaa si rasmi ah u billowday hannaanka doorashada Guddoomiyaha cusub ee Golaha Shacabka. Waxaa la filayaa in guddigu uu dhowaan doorto guddoonkiisa, diyaariyo habraaca doorashada, isla markaana shaaciyo jadwalka diiwaangelinta musharraxiinta iyo maalinta ay dhaceyso codbixinta.

Guddiga Doorashada Guddoomiyaha Golaha Shacabka oo la magacaabay

Soomaaliya oo dardargelinaysa fududeynta ganacsiga iyo is-dhexgalka suuqa gobolka

Xamse oo Waqooyi Bari u tagay hirgelinta adeegyo bulsho

Soomaaliya oo daahfurtay xeerar lagu maamulayo beddelka caanaha naaska

Soomaaliya oo warbaahinta ugu baaqday inay xoojiso wacyigelinta la xiriirta halista roobabka El Niño

Maqaallo La Xidhiidha

Koonfur Galbeed oo dhowaan magacaabaysa guddi dib-u-heshiisiin

Xisbiyadii ka qeybgalay doorashada Galmudug oo loogu baaqay inay ilaaliyaan qoondada haweenka ee 30%

SoDMA oo gargaar bani’aadannimo gaarsiisay 6,500 qoys oo ku nool Puntland

Qaybaha

Qoraallo Cusub

Soomaaliya oo dardargelinaysa fududeynta ganacsiga iyo is-dhexgalka suuqa gobolka

Guddiga Doorashada Guddoomiyaha Golaha Shacabka oo la magacaabay

Xamse oo Waqooyi Bari u tagay hirgelinta adeegyo bulsho