Riyaad (Dawan ) – Hay’adda Qaxootiga iyo Barakacayaasha Qaranka Soomaaliya iyo Wakaaladaha Wararka ee Ururka Iskaashiga Islaamka (UNA) ayaa kala saxiixday heshiis iskaashi oo lagu xoojinayo wada-shaqeynta dhinacyada warbaahinta, wacyigelinta bulshada nugul iyo arrimaha bani’aadannimada, sida ay sheegtay Hay’adda Qaxootiga iyo Barakacayaasha Qaranka.
Heshiiskan ayaa lagu gaaray intii uu Guddoomiyaha Hay’adda Qaxootiga iyo Barakacayaasha Qaranka, Liiban Cigaal, booqasho shaqo ku joogay Boqortooyada Sacuudiga.
Guddoomiyaha hay’adda ayaa uga mahadceliyay Ururka Iskaashiga Islaamka (OIC) taageerada joogtada ah ee uu siiyo Dowladda Federaalka Soomaaliya, isagoo sheegay in heshiiskani uu gacan ka geysan doono kor u qaadidda wacyigelinta bulshada iyo xoojinta dadaallada bani’aadannimo.