Himilo Qaran oo taageero u muujiyay doorashada dadban ee Koonfur Galbeed

Muqdisho (Dawan) – Xisbiga Himilo Qaran ayaa taageeray tallaabada Madaxweynaha Dowlad Goboleedka Koonfur Galbeed, Cabdicasiis Xasan Maxamed (Laftagareen), ee uu ku magacaabay Guddiga Doorashooyinka Koonfur Galbeed.

War-saxaafadeed uu xisbiga soo saaray maanta ayaa lagu sheegay in dhismaha iyo hirgelinta hay’adaha doorashooyinka ee dowlad goboleedyadu ay ka mid yihiin awoodaha ay u leeyihiin maamulidda arrimahooda doorasho.

Madaxweynaha Koonfur Galbeed, Cabdicasiis Xasan Maxamed (Laftagareen), ayaa xalay magacaabay guddiga doorashada maamulkaas, xilli uu khilaaf siyaasadeed oo xooggan ka taagan yahay deegaannada dowlad goboleedka.

Xisbiga Himilo Qaran ayaa sidoo kale Dowladda Federaalka Soomaaliya ugu baaqay inay ka fogaato tallaabo kasta oo lagu carqaladeynayo ama lagu faragelinayo habraacyada dowlad goboleedyada, si loo ilaaliyo wada shaqeynta iyo kalsoonida ka dhaxaysa heerarka kala duwan ee dowladda.

Xisbiga ayaa si gaar ah uga digay cadaadis siyaasadeed ama faragelin aan sharci ahayn oo lagu sameeyo maamulka Koonfur Galbeed, isagoo xusay in arrimaha doorashooyinka iyo maamulka gudaha ay yihiin mas’uuliyad u gaar ah dowlad goboleedka.

Hadalkan ayaa kusoo beegmaya xilli uu sii xoogeysanayo khilaafka siyaasadeed ee u dhexeeya Dowladda Federaalka Soomaaliya iyo Dowlad Goboleedka Koonfur Galbeed, gaar ahaan arrimaha la xiriira doorashooyinka

Himilo Qaran oo taageero u muujiyay doorashada dadban ee Koonfur Galbeed

Madaxweynaha Soomaaliya oo Warqadaha Aqoonsiga ka Guddoomay Safiirka Cusub ee Cumaan

Guddoomiyaha Golaha Shacabka Soomaaliya oo Booqday Dekedda Dooraale iyo Aagga Ganacsiga Xorta ah ee Jabuuti

Shiinaha oo qorsheynaya marin shidaal oo isku xiraya Koonfur Suudaan iyo Jabuuti

MyBank oo ballanqaaday inuu maalgelinayo qaybta Kalluumeysiga Soomaaliya

Maqaallo La Xidhiidha

Soomaaliya oo beenisay in Ciidamada Uganda ay wada baxayaan dalka

Jabuuti oo Faransiiska Kala Wareegtay 40% Saldhigga Ciidamada Badda ee Jasiiradda Héron

Bangiga Dhexe ee Itoobiya oo aan waxba ka beddelin Heerka Dulsaarka xilli uu sicir-barar ka jiro dalkaas