Madaxweynaha Soomaaliya oo Warqadaha Aqoonsiga ka Guddoomay Safiirka Cusub ee Cumaan

Muqdisho (Dawan)- Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa Arbacadii warqadaha aqoonsiga ka guddoomay safiirka cusub ee Saldanadda Cumaan u qaabilsan Soomaaliya, Salim bin Habib Al Umairi, sida lagu sheegay war-saxaafadeed ka soo baxay Madaxtooyada.

Munaasabad ka dhacday xarunta Madaxtooyada ee Villa Somalia, ayuu Safiir Al Umairi Madaxweynaha ku gaarsiiyey farriin uu uga siday Suldaanka Cumaan, Haitham bin Tariq Al Said.

Farriinta ayaa muujinaysay sida hoggaanka Cumaan ay uga go’an tahay xoojinta xiriirka soo jireenka ah ee labada dal, sida lagu sheegay war-saxaafadeedka.

Madaxweyne Xasan Sheekh ayaa uga mahadceliyey Suldaanka taageerada uu u fidiyo shacabka Soomaaliyeed, safiirkana u rajeeyey guul iyo in uu door muuqda ka qaato horumarinta xiriirka walaaltinimo iyo iskaashiga ka dhexeeya Soomaaliya iyo Cumaan.

Suldaan Haitham ayaa bishii Sebteembar wareegto boqortooyo ugu magacaabay Al Umairi, oo ah diblomaasi xirfadle ah, safiirka cusub ee Cumaan u fadhiya Soomaaliya. 24-kii Oktoobar ayuu nuqul ka mid ah warqadaha aqoonsiga u gudbiyey Wasiirka Arrimaha Dibadda Soomaaliya, Cabdisalaam Cabdi Cali.

Magacaabista safiirka cusub ayaa ku soo beegmaysa xilli labada dal ay doonayaan inay sii xoojiyaan xiriirkooda. Intii lagu guda jiray booqasho uu Wasiirka Arrimaha Dibadda Soomaaliya bishii Abriil ku tegay magaalada Masqad, labada dhinac waxay ka wada hadleen xoojinta iskaashiga dhinacyada maalgashiga, ganacsiga iyo sugnaanta cuntada. Cumaan ayaa sidoo kale mar kale xaqiijisay taageerada ay u hayso midnimada, madax-bannaanida iyo wadajirka dhuleed ee Soomaaliya.

Madaxweynaha Soomaaliya oo Warqadaha Aqoonsiga ka Guddoomay Safiirka Cusub ee Cumaan

Guddoomiyaha Golaha Shacabka Soomaaliya oo Booqday Dekedda Dooraale iyo Aagga Ganacsiga Xorta ah ee Jabuuti

Shiinaha oo qorsheynaya marin shidaal oo isku xiraya Koonfur Suudaan iyo Jabuuti

MyBank oo ballanqaaday inuu maalgelinayo qaybta Kalluumeysiga Soomaaliya

Itoobiya iyo DHL oo kala saxiixday heshiis lagu ballaarinayo dhoofinta Bunka

Maqaallo La Xidhiidha

Madaxweyne Xasan Sheekh oo qaar ka mid ah Madax-dhaqameedka Somaliland kala hadlay Wadajirka iyo Midnimada Dalka

Soomaaliya oo beenisay in Ciidamada Uganda ay wada baxayaan dalka

Jabuuti oo Faransiiska Kala Wareegtay 40% Saldhigga Ciidamada Badda ee Jasiiradda Héron