Hirshabelle iyo Galmudug oo bogaadiyey doorashada Banaadir

December 25, 2025

2 daqiiqo akhris

Waxaa qoray Mohamed Qal - Reporter

Muqdisho ( Dawan) - Dowlad-goboleedyada Hirshabeelle iyo Galmudug ayaa si rasmi ah u bogaadiyey doorashada golayaasha deegaanka ee Gobolka Banaadir, taas oo maanta ka qabsoontay caasimadda Muqdisho, iyaga oo sheegay inay u arkaan tallaabo muhiim ah oo loo qaaday dhanka xoojinta dimuqraadiyadda iyo nidaamka doorashooyinka qof iyo cod.

Madaxweynaha Galmudug, Axmed Cabdi Kaariye (Qoorqoor), ayaa hambalyo u diray shacabka Muqdisho ka dib ka-qaybgalkii ballaarana oo ay muujiyeen codbixinta,issaga oo qiray in arrintani ay ka tarjumayso bislaansho siyaasadeed iyo rabitaanka shacabka ee ka-qaybgalka go’aamada masiiriga ah.

Wuxuu sidoo kale ammaanay Guddiga Madaxa-bannaan ee Doorashooyinka Qaranka iyo Soohdimaha, iyo hay’adaha amniga, doorkooda ku aaddan sugidda amniga iyo hufnaanta geeddi-socodka doorashada.

Maqaallo la xidhiidha

2 saac kahor

AUSSOM oo ku tilmaantay doorashada Banaadir guul Taariikhi ah

2 saac kahor

Baarlamaanka Carabta oo soo dhaweeyay doorashada Banaadir

Dhankiisa, Madaxweynaha Hirshabeelle, Cali Cabdullaahi Xuseen (Cali Guudlaawe), ayaa sheegay in doorashada ka dhacday Banaadir ay astaan u tahay bog cusub oo taariikhi ah, isaga oo tilmaamay in kumannaan muwaadiniin ah ay si toos ah u adeegsadeen xuquuqdooda codbixinta.

Bayaanno ka soo baxay labada maamul ayaa lagu adkeeyey in doorashada Banaadir ay dhiirrigelinayso dadaallada ka socda dowlad-goboleedyada, oo ay ku jiraan Hirshabeelle iyo Galmudug, kuwaas oo ay ka socoto diiwaangelinta codbixiyayaasha, si loogu diyaargaroobo doorashooyin qof iyo cod ah oo la filayo inay ka dhacaan deegaannadooda.

Doorashadan ayaa ku soo aadaysa xilli dood siyaasadeed ay ka taagan tahay hannaanka iyo caddaaladda geeddi-socodka, iyadoo mucaaradku ay soo jeedinayaan dhaliilo la xiriira tartanka xisbiyada. Si kastaba, mas’uuliyiinta taageersan doorashada ayaa ku tilmaamay mid taariikhi ah oo horseed u noqon karta hirgelinta dimuqraadiyad waarta.

Maqaallo kale oo aan kuu doorannay

6 saac kahor