Jabuuti (Dawan)—Wasaaradda Waxbarashada Qaranka iyo Xirfadaha ee Jamhuuriyadda Jabuuti ayaa Axaddii soo gabagabeysay tababar qoto-dheer oo ku saabsan garaadka macmalka (Artificial Intelligence – AI), kaas oo loogu talagalay maamulka kormeerka ee waaxyaha kala duwan ee wasaaradda.
Tababarkan oo socday afar bilood, isla markaana ka koobnaa 14 kulan oo isdaba joog ah, ayaa ka qeybgalayaashu ku barteen adeegsiga AI si loo horumariyo hagidda, qiimeynta, iyo kormeerka nidaamka waxbarashada. Waxaa tababarka maalgeliyay Ururka Caalamiga ah ee Afka Faransiiska (OIF), iyadoo uu tababar bixiyay khabiir Jabuuti u dhashay, Xuseen Axmed.
