Itoobiya – 5 Janaayo 2026 (Dawan)- Shirkadda Korontada Itoobiya ayaa shaacisay in mashruuca biyo-xireenka korontada ee Koysha uu gaaray 72 % heerka fulinta, iyadoo mashruucu qeyb ka yahay dadaallada dowladda ee lagu xoojinayo awoodda dalka ee soo saarista korontada, isla markaana la filayo in la dhammaystiro saddexda sano ee soo socota.
Agaasimaha xiriirka dadweynaha ee shirkadda, Moges Mekonnen, ayaa u sheegay warbaahinta maxalliga ah in biyo-xireenka Koysha uu yahay mid ka mid ah mashaariicda istiraatiijiga ah ee ugu waaweyn ee korontada biyaha laga dhaliyo ee dalka, isagoo xusay in marxaladda xigta ay diiradda saari doonto u diyaargarowga kaydinta biyaha inta lagu jiro labada sano ee soo socda.
Moges ayaa sheegay in biyo-xireenka, marka uu dhammaado, uu soo saari doono 6460 megawatt-saaccaddii, taas oo ka qeyb qaadan doonta yaraynta daboolidda baahida sii kordheysa ee korontada, isla markaana taageeri doonta kobaca dhaqaalaha iyo dardargelinta maalgashiga gudaha iyo dibadda.
