Addis Ababa (Dawan)— Dowladda Itoobiya ayaa dib u soo celisay 2,212 muwaadiniin oo kale oo ka yimid Boqortooyada Sacuudi Carabiya, iyadoo tirada guud ee dadka dalkooda lagu soo celiyay ilaa iyo hadda ay dhaaftay 94,000, sida ay sheegtay Wasaaradda Haweenka iyo Arrimaha Bulshada.
Kooxda ugu dambeysay ee la soo celiyay waxaa ku jiray 2,210 rag ah, hal haweeney iyo hal ilmo yar, halka 38 qof ay ahaayeen carruur da'doodu ka yar tahay 18 sano.
Wasaaraddu waxay sheegtay in hawlgalkan uu qayb ka yahay dadaal dib-u-celin ah oo billowday 15-kii Sebtembar 2025, kaas oo lagu soo celinayo Itoobiyaanka ku noolaa xaalado adag oo dibadda ah.
