Jabuuti iyo IOM oo ballaarinaya shaqooyinka xirfadlayaasha ee dibadda

Jabuuti (Dawan) – Dowladda Jabuuti iyo Hay’adda Caalamiga ah ee Socdaalka (IOM) ayaa yeeshay wadahadallo ku saabsan ballaarinta barnaamijka dhaqdhaqaaqa shaqaalaha, kaas oo loogu talagalay in dhalinyarada Jabuuti ay helaan fursado shaqo oo caalami ah.

Kulanka ayaa daba socday guulihii laga gaaray barnaamijka SKILLS, kaas oo suurageliyay in 16 darawal oo u dhashay Jabuuti ay shaqooyin ka helaan dalka Canada, sida ay baahisay Wakaaladda Wararka Jabuuti.

Wasiirka Shaqada ee Jabuuti, Yoonis Cali Guedi, ayaa la kulmay saraakiisha IOM si ay u qiimeeyaan natiijooyinka barnaamijkii tijaabada ahaa, isla markaana ay u qorsheeyaan wejiga xiga ee lagu ballaarinayo fursadaha shaqo.

Mas’uuliyiintu waxay dib u eegis ku sameeyeen dhammaan heerarka barnaamijka, laga bilaabo xulashada musharraxiinta ilaa u dirista iyo ku biirintooda suuqyada shaqada ee dalalka dibadda.

Dowladda Jabuuti ayaa qorsheynaysa in la kordhiyo shaqooyinka laga heli karo dibadda, gaar ahaan qeybaha gaadiidka, saadka, dhismaha, adeegyada iyo xirfadaha farsamada. Wasaaradda Shaqada iyo IOM ayaa sidoo kale isku raacay in wadahadallada la sii wado toddobaadyada soo socda si loo dejiyo qorshaha marxaladda xigta.

Barnaamijkan ayaa lagu tilmaamay mid door muhiim ah ka qaadanaya yareynta shaqo la’aanta dhalinyarada, horumarinta xirfadaha shaqaalaha iyo abuurista waddooyin shaqo oo ammaan ah, nidaamsan, isla markaana waafaqsan heerarka caalamiga ah

Jabuuti iyo IOM oo ballaarinaya shaqooyinka xirfadlayaasha ee dibadda

Jabuuti oo Beijing ku soo bandhigtay qorshe lagu xoojinayo iskaashiga Warshadaha ee Shiinaha

Muxuu Geelle ku tilmaamay guusha Xisbiga Abiy Axmed ee doorashada Itoobiya?

Soomaaliya oo soo dhoweysay is-afgaradka dhexmaray Mareykanka iyo Iran

Qodobada ugu muhiimsan ee Wararka Dawan

Maqaallo La Xidhiidha

Muqdisho oo laga daah-furay Machadka iskaashiga Indonesia iyo Afrika

Soomaaliya oo tallaabo u qaadday adkaynta kaabayaasha xargaha Internet-ka ee badda hoosteeda mara

Booliiska oo sheegay in lasoo qabtay shaqsiyaad loo haysto xadgudub ka dhan ah gabar

Qaybaha

Qoraallo Cusub

Jabuuti oo xoojinaysa soo jiidashada maalgashiga Tamarta

Jigjiga oo laga hirgelinayo 20 guri oo loogu talo galay qoysaska danyarta ah

Jabuuti oo Beijing ku soo bandhigtay qorshe lagu xoojinayo iskaashiga Warshadaha ee Shiinaha