Jabuuti, 11 November 2025 — Wasaaradaha Isgaarsiinta ee Jabuuti iyo Yaman ayaa saxiixday heshiis iskaashi oo cusub, kaasoo lagu xoojinayo wada-shaqeynta maamulka iyo nidaaminta khadadka isgaarsiinta ee badda hoos mara ee labada dal isku xira.
Xafladda saxiixa ayaa ka dhacday Magaalada Jabuuti Isniintii, waxaana si rasmi ah u saxiixay Wasiirka Isgaarsiinta ee Jabuuti, Ridwan Cabdillaahi Bahdon, iyo Wasiirka Qorsheynta iyo Iskaashiga Caalamiga ah ee Yaman, Waacidd Cabdalla Bazeib.
Sida uu sheegay Wasiir Ridwan, heshiisku wuxuu diiradda saaraya xoojinta, fududeynta habraacyada shatiga, iyo horumarinta iskaashiga farsamo ee mashaariicda cusub ee khadadka badda hoos mara ee u dhexeeya Jabuuti iyo Yaman.