Washington, 18 October 2025 (Dawan) – Wasiirka maaliyadda iyo Dhaqaalaha jamhuuriyadda Jabuuti ILyaan Muuse Dawaleh ayaa Khamiistii ka qeyb galay shirarka Sanadlaha ah ee Bangiga Aduunka iyo Sandhuuqa lacagta aduunka(IMF), Wasiiirka Jabuuti ayaa shirkaan ku matalayay kooxda africa 2aad oo ka kooban 23 dal oo african ah.
Shrikaan ayaa looga hadlay arimo ay ka mid yihiin Deynta, Tamarta iyo siyaasadaha horumarineed iyada oo ay Jabuuti ay ahyd dalka africaanka ah ee ku metela Guddiga Fulinta ee Bangiga dalalka leysku yiraahdo kooxda africada 2aad.
“Waa sharaf weyn in aan la wareego madaxtinimada Kooxda Afrika 2aad,” ayuu Dawaleh ku qoray boggiisa X (hore Twitter), isaga oo u mahadceliyey Agaasimaha Fulinta Harold Tavares, ku-xigeenkiisa, iyo dalalka kooxda Africa 2aad.”
Kooxda Afrika 2aad oo ka kooban 23 dalal oo Afrikaan ah, ayaa door muhiim ah ka ciyaarta isku-duwidda mowqifyada qaaradda ee ku aaddan go’aamada siyaasadeed iyo horumarineed ee Bangiga Adduunka. Kooxdani waxay mataleysaa dalalka xubnaha ah marka laga hadlayo arrimaha maalgashiga kaabeyaasha dhaqaalaha, tamarta waarta, iyo la-dagaallanka saboolnimada.
