Jabuuti (Dawan ) – Dowladda Jabuuti ayaa cambaareysay go’aanka dowladda Colombia ay ku aqoonsatay lahaanshaha Israa’iil ee Buuraha Golan ee Suuriya, iyadoo sheegtay in tallaabadaasi ay ka hor imaaneyso mabaadi’da aasaasiga ah ee sharciga caalamiga ah, sida ay sheegtay Wakaaladda Wararka Jabuuti.
Wasaaradda Arrimaha Dibadda iyo Iskaashiga Caalamiga ah ee Jabuuti ayaa bayaan ay soo saartay ku sheegtay in aqoonsigaasi uu jebinayo qaraarrada Qaramada Midoobay, gaar ahaan Qaraarka Golaha Ammaanka ee tirsigiisu yahay 497 ee sanadkii 1981.
Wasaaraddu waxay sheegtay in qaraarkaasi uu ku tilmaamay mid aan sharci ahayn tallaabadii Israa’iil ay ku soo rogtay awooddeeda maamul iyo xukunkeeda Buuraha Golan ee Suuriya.
