Jabuuti (Dawan)- Wasaaradda Shaqada iyo Arrimaha Bulshada ee Jabuuti ayaa Talaadadii daah-furtay aqoon-is-weydaarsi qaran oo soconaya saddex maalmood, kaas oo lagu dhammaystirayo istaraatiijiyadda qaranka ee la xiriirta shaqaalaha soo galootiga , sida ay werisay Wakaaladda Wararka Jabuuti.
Hindisahan ayaa ujeeddadiisu tahay in la dejiyo siyaasad isku dubbaridan oo wax ka qabanaysa doorka gaarka ah ee Jabuuti ku leedahay socdaalka shaqaalaha, maadaama ay tahay dal ay ka baxaan, ka gudbaan ama ay ku hakadaan shaqaalaha soo galootiga ah.
La-taliyaha farsamada ee Wasiirka Shaqada, Axmed Sacad Suldaan, ayaa u sheegay ka qaybgalayaasha in istaraatiijiyaddan loogu talagalay in si nidaamsan loo maareeyo qulqulka shaqaalaha, iyadoo la ilaalinayo xuquuqda muwaadiniinta Jabuuti ee dibadda ka shaqeeya, isla markaana la maareynayo shaqaalaha ajnabiga ah ee dalka ku sugan.
