Jabuuti (Dawan) – Madaxweynaha Jamhuuriyadda Jabuuti, Mudane Ismaaciil Cumar Geelle, ayaa farriin tacsi iyo garab-istaag ah u diray Ra’iisul Wasaaraha Itoobiya, Mudane Abiy Ahmed Ali, kaddib dhulgariirkii ka dhacay gobolka Amxaarada oo sababay dhimashada ku dhowaad toban qof iyo khasaaro kale.
Sida ay baahisay Wakaaladda Wararka Jabuuti, Madaxweyne Geelle ayaa sheegay in dowladda iyo shacabka Jabuuti ay la qaybsanayaan murugada shacabka Itoobiya, isla markaana ay garab taagan yihiin xilligan adag ee ay wajahayaan.
“Dadka iyo dowladda Jabuuti waxay idin la wadaagayaan muujinta naxariista iyo garab-istaagga ay u hayaan shacabka walaalaha ah ee Itoobiya xilligan adag ee musiibadan,” ayuu Madaxweyne Geelle ku yiri farriin uu u diray Ra’iisul Wasaare Abiy Ahmed.
