Jabuuti, 14 Oct. 25 — Jamhuuriyadda Jabuuti ayaa toddobaadkan martigelineysa Madasha Afrika ee Faafinta Rasmiga iyo Bandhigga Caalamiga ah ee Hidaha, oo loo yaqaan Heritage Forum .
Munaasabaddan heerka caalami ah ayaa lagu wadaa in uu furo Madaxweynaha Jabuuti, Ismaaciil Cumar Geelle, iyadoo ay ka soo qayb gelayaan wakiillo ka socda dalalka Afrika, oo isugu jira masuuliyiin dowladeed, xildhibaanno, khubaro iyo cilmi-baarayaal ku takhasusay dhinacyada taariikhda iyo dhaqanka.
Jabuuti ayaa noqoneysa dalka ugu horreeya ee Afrika ee martigeliya madashan, taas oo dhacaysa 15-ka iyo 16-ka Oktoobar 2025. Waxaa qaban-qaadadeeda hormuud ka ah Xoghaynta Guud ee Xukuumadda Jabuuti, oo kaashaneysa Wasaaradda Dhalinyarada iyo Dhaqanka.
