Jabuuti (Dawan)– Ciidanka Jabuuti ayaa gacanta ku dhigay nin loogu eedeyay haysashada iyo faafinta sawirro iyo muuqaallo muujinaya xadgudub galmo oo carruur loo geystay, iyadoo baarayaashu heleen siddeed akoon oo baraha bulshada ah oo la sheegay inuu maamulayay, sida ay werisay wakaaladda wararka Jabuuti ee ADI.
Baaritaanka waxaa fuliyay khubaro ku takhasusay baaritaannada dijitaalka ah oo ka tirsan Qaybta Baarista iyo Diiwaangelinta ee Ciidanka Jandarmaariga, iyadoo hawlgalku qayb ka yahay dadaallada lagula dagaallamayo xadgudubyada galmada ee carruurta loogu geysto internetka.
Natiijooyinka hordhaca ah ayaa muujiyay in ninka la xiray uu xubin ka ahaa dhowr kooxood oo internetka ah oo ay ku jireen ku dhowaad 1,000 qof, dhammaantoodna ku sugnaa dibadda, sida ay sheegtay ADI. Kooxahaas ayaa lagu dhex faafinayay sawirro iyo muuqaallo muujinaya xadgudub galmo oo carruur ah.
