Jigjiga, 01 Oktoobar 2025 – Madaxweynaha Dowlad Deegaanka Soomaalida Itoobiya (DDS), Mustafe Muxumed Cumar, ayaa ku dhawaaqay in la soo gabagabeeyay wajigii koowaad ee dhismaha laamiyada iyo bulaacadaha biyamareenada magaalada Jigjiga, taas oo qeyb ka ah qorshayaasha lagu hagaajinayo kaabayaasha dhaqaalaha caasimadda deegaanka.
Farriin uu Madaxweynaha Dowlad Deegaanka Soomaalida ku baahiyay baraha bulshada ayuu ku sheegay in dhismahan cusub uu wax badan ka badali doono bilicda magaaladda iyo sidii magaalada looga saari lahaa biyayaha fariista wadooyinka magaaladda xilli roobaadyada iyo dhibaatooyinka ka dhasha roobabka oo ay ugu horeeyaan daadadka. Madaqweynaha ayaa sidoo kale xusay in wajiga labaad ee mashruucan uu sii socon doono si loo siyaadiyo faa’idooyinka la filayo in uu keeno.
“Waxaa dhamaaday wajjiga koowaad ee laamiyadda iyo biyomareenadda Magaaladda Jigjiga, iyadoo wajjiga labaad sii socon doono,” ayuu Madaxweynaha ku yiri qoraalkiisa.
Madaxweyne Mustafe ayaa sidoo kale tilmaamay in magaalada Jigjiga ay weli ku yaallaan wadooyin badan oo dayactir u baahan, islamarkaana qorshihii lagu hagaajin lahaa wadooyinkaasi xaafadaha dhex mara la diyaariyay.
Maamullka Dowlad deegaanka ayaa horay u balan qaaday in uu horumarin doono kaabayaasha dhaqalaaha, waxbarasahda iyo caafimaadka, isaga oo deegaano dhowr ah ka fuliyay mashaariicyo horumarineed oo wadooyin ah.
