Baydhabo (Dawan ) – Wasaaradda Arrimaha Gudaha, Dowladaha Hoose iyo Dib-u-heshiisiinta ee Dowlad Goboleedka Koonfur Galbeed Soomaaliya ayaa ku dhawaaqday go’aan rasmi ah oo lagu kala diray maamulka Degmada Xudur ee Gobolka Bakool, sida lagu sheegay warqad ka soo baxday xafiiska wasiirka.
Go’aankan ayaa la sheegay inuu dhaqan galay maanta, kaddib markii wasaaraddu ku eedeysay maamulka degmada inay jiraan baahiyo maamul iyo caddaalad-darrooyin ka jira Xudur, kuwaas oo ay sheegtay inay sabab u noqdeen in si degdeg ah loo kala diro maamulka.
Warqadda ayaa sidoo kale lagu caddeeyay in dhammaan mas’uuliyiintii maamulka Degmada Xudur si rasmi ah xilalkii looga qaaday Inta laga soo magacaabayo maamul cusub, waxaa xilka si ku-meel-gaar ah u sii hayn doona Guddoomiyaha Gobolka Bakool, Maxamed Axmed Maxamed.