Kormeer ku socda mashaariicda horumarineed ee Mandera

Waxaa sidoo kale la kormeeray mashruuca biya nadiifinta ee Mandera oo gaaray dhamaystirkiisu gaaray 72% iyadoo 60% lacagtana la bixiyay, waxaana caqabad ku ah dadka deegaan ahaan u dhaw iyo canshuuraha VAT.

Dhanka wadooyinka, horumarinta wadada Kotulo–Public Works–Daua wajigeeda koowaad ayaa la xaqiijiyey in la dhameystiray,sidoo kale wadooyinka magaalada Mandera waa la dhameystiray waxayna diyaar u yihiin in la adeegsado.

Barnaamijka geed abuurista waxaa lagu guuleystay in Mandera East iyo Rhamu lagu beero 400,000 oo geed iyadoo hadafku ahaa hal milyan oo geed. Caqabadaha ugu waaweyn waxaa ka mid ah maalgelin yari, isku-xirnaan liidata, iyo dhulka oo aan la diyaarin.

Xoghayaha Joogtada ah, Mudane Axmed Ibraahim, ayaa balan qaaday in dhammaan mashaariicdii hakadka ku jirtay dib loo bilaabi doono, sidoo kale dowladda ay xoojineyso dadaallada lagula tacaalayo xaaladda abaaraha, iyadoo qorshayaal dheeri ah lagu fulin doono degmooyinka.