Hargeysa (Dawan) – Laba carruur ah ayaa ku dhintay dab ka kacay guri ku yaalla deegaanka Kam Deegaan ee barakacayaasha, duleedka koonfureed ee Hargeysa, sida uu sheegay Telefishanka Qaranka Somaliland, oo soo xiganaya waaxda dab-damiska.
Warbixintu waxay sheegtay in carruurta, oo kala jiray laba iyo afar sano, ay dhinteen kadib markii dabku qabsaday guriga.
Guriga oo ka samaysnaa jiingad ah ayaa ku yaallay goob ay degan yihiin barakacayaal oo ku taalla duleedka koonfureed ee degmada Maxamed Mooge.
