Madaxtooyada Soomaaliya oo shaacisay ujeedka safarka Madaxweynaha ee Galmudug

Dhuusamareeb (Dawan)– Madaxtooyada Soomaaliya ayaa shaacisay ujeedka safarka Madaxweyne Xasan Sheekh Maxamuud ee Galmudug, kaddib markii uu maanta oo Jimco ah gaaray magaalada Dhuusamareeb.

Madaxweynaha iyo wafdi uu hoggaaminayo waxaa Dhuusamareeb ku soo dhoweeyay Madaxweynaha Galmudug Axmed Cabdi Kaariye, mas’uuliyiin ka tirsan dowladda federaalka iyo Galmudug iyo qaybaha kala duwan ee bulshada.

Sida ay Madaxtooyadu sheegtay, safarka Madaxweynaha wuxuu diiradda saarayaa xoojinta iyo tayeynta Ciidanka Qalabka Sida, iyadoo uu ka qaybgeli doono munaasabad lagu soo xirayo tababarka cutubyo ka tirsan Ciidanka Xoogga Dalka Soomaaliyeed.

Inta uu ku sugan yahay Galmudug, Xasan Sheekh ayaa sidoo kale daahfuri doona mashaariic horumarineed oo laga hirgeliyay deegaannada maamulka, kuwaas oo qayb ka ah qorshayaasha lagu dardargelinayo adeegyada dadweynaha iyo horumarinta kaabeyaasha dhaqaale iyo bulsho.

Madaxweynaha ayaa sidoo kale kulamo la yeelan doona qaybaha kala duwan ee bulshada Galmudug, isagoo dhageysan doona aragtidooda, baahiyahooda dowladnimo iyo talooyinkooda ku saabsan horumarka, amniga, dowlad-dhiska iyo mustaqbalka dalka, sida ay Madaxtooyadu sheegtay.

Safarka Madaxweynaha ayaa ku soo beegmaya 14-ka Agoosto, oo ah maalinta sanad-guurada Galmudug, inkastoo Madaxtooyadu bayaankeeda ku xustay in ujeeddada booqashadu ay tahay arrimaha ciidamada, horumarka iyo kulamada bulshada.

Madaxtooyada Soomaaliya oo shaacisay ujeedka safarka Madaxweynaha ee Galmudug

Soomaaliya oo diyaarinaysa xeer lagu nidaaminayo maamulka masaajidda

Maxay yihiin caqabadaha uu sheegay Guddoomiyaha Golaha Shacabka ee dalku wajahayo?

Golaha Haweenka Soomaaliyeed oo guddiga doorashooyinka ka dalbaday ilaalinta qoondada 30%

Waa maxay bandhigga isku xiraya Muqdisho iyo Venice ee lagu muujinayo dhaqanka iyo taariikhda Soomaaliya?

Maqaallo La Xidhiidha

Qodobada ugu muhiimsan ee Wararka Dawan

SIMAD oo dejisay hannaan lagu hago Garaad Gacmeedka waxbarashada iyo cilmi-baarista

Xasan Sheekh oo ku wajahan Dhuusamareeb si uu uga qaybgalo xuska Galmudug

Qoraallo Cusub

Madaxtooyada Soomaaliya oo shaacisay ujeedka safarka Madaxweynaha ee Galmudug

Soomaaliya oo diyaarinaysa xeer lagu nidaaminayo maamulka masaajidda

Maxay yihiin caqabadaha uu sheegay Guddoomiyaha Golaha Shacabka ee dalku wajahayo?

Qaybaha