Muqdisho (Dawan) – Safaaradda Maraykanka ee Muqdisho ayaa ku boorrisay hoggaamiyeyaasha siyaasadda Soomaaliya ee maalmihii lasoo dhaafay uu Villa Soomaaliya shirka ugu socday inay sii wadaan wada-hadallada iyo is-afgaradka, iyadoo ku tilmaantay wada-hadalka mid adag balse lama huraan u ah xasilloonida siyaasadeed iyo amniga dalka.
Bayaan ka soo baxay Safaaradda ayaa lagu sheegay in wada-hadallo loo dhanyahay oo Soomaali hoggaaminayo inay door muhiim ah ka qaadanayaan la-dagaallanka kooxaha dalka ka dhagaalama, xoojinta hay’adaha dowladeed, iyo horumarinta mudnaanta qaranka ee Soomaaliya, isla markaana ay la jaanqaadayan qorshaha beesha caalamka.
Safaaradda ayaa carrabka ku adkaysay in inkasta oo wada-xaajoodku uu mararka qaar adag yahay, haddana uu yahay jidka kaliya ee lagu gaari karo is-afgarad siyaasadeed oo waara, laguna dhisi karo kalsooni u dhexeysa hoggaanka dalka.
