Mareykanka oo gacanta ku dhigay Madaxweynaha Venezuela

Caracas (Dawan) – Madaxweynaha Mareykanka Donald Trump ayaa ku dhawaaqay in ciidamada Mareykanka ay fuliyeen weerarro baaxad leh oo ka dhan ah Venezuela, isaga oo sheegay in la xiray Madaxweynaha Venezuela Nicolás Maduro iyo xaaskiisa, loona musaafuriyay dalka dibaddiisa.

Trump ayaa sheegay in howlgalkan uu ahaa “mid guul ah”, halka dowladda Venezuela ay ballanqaaday inay difaaci doonto nidaamka dalka.

Waxaa la maqlay duqeymo diyaaradeed iyo qaraxyo, iyadoo la arkay qiiq ka kacaya meelo kala duwan oo caasimadda Caracas ah. Wakaaladda Associated Press ayaa sheegtay in ugu yaraan 7 qarax laga maqlay magaalada, iyadoo sawirro muujinaya qiiqa ka kacaya meelo kala duwan laga arkay.

Wasiirka Arrimaha Dibadda ee Venezuela ayaa ku tilmaamay weerarradan “xadgudub cad oo ku saabsan Qaanuunka Caalamiga ah” iyo carqaladeynta nabadda iyo xasilloonida caalamka, isaga oo Mareykanka ku eedeeyay inuu ka dambeeyo weerarkan, kaas oo lala bartilmaameedsaday goobaha rayidka iyo militariga ee bartamaha Caracas.

Venezuela ayaa sidoo kale caddeysay inaysan aqbalayn isku day kasta oo lagu beddelayo nidaamkeeda, ayna xaq u leedahay inay difaacdo dhulkeeda iyo madax-bannaanideeda, iyadoo dardargelisay qorshayaasha difaaca iyo ciidanka shacabka, isla markaana dhaqan gelisay xaaladda degdegga ah .

Dhanka kale, Madaxweynaha Colombia Gustavo Petro ayaa sheegay in duqeyntu ay bartilmaameedsatay dekedda, saldhigyo militari, aqalka baarlamaanka iyo garoonka diyaaradaha gaarka ah ee Caracas.

Howlgalkan waxaa fuliyay ciidamada gaarka ah ee Delta, oo kaashanaya diyaaradaha nuuca “Osprey” oo awood u leh duulista tooska ah, iyaga oo fuliyey “weerar lama filaan ah” oo ka dhacay caasimadda. Howlgalka ayaa lagu sheegay in uu ahaa mid qorsheysan, iyadoo la isticmaalay duqeyn bartilmaameedsan iyo jahwareerin danabeysan oo ka dhigtay nidaamyada difaaca iyo isgaarsiinta Venezuela kuwa howlgab ah, taasoo u fududeysay in ciidamada Mareykanku gaaraan goobtii Maduro ku sugnaa.

Howlgalkan ayaa la qorsheeyay maalmo ka hor, balse dib ayaa loo dhigay sababo cimilada la xiriira.

Qaybaha

Qoraallo Cusub

Soomaaliya oo sannadka cusub ku biloowday adeeg maaliyadeed oo hufan

Somaliland oo taageertay howlgalkii Mareykanka uu ku soo qabtay madaxweynaha Venezuela

Midowga Afrika oo walaac ka muujiyay xaaladda siyaasadeed ee Venezuela

Mareykanka oo gacanta ku dhigay Madaxweynaha Venezuela

Somaliland oo taageertay howlgalkii Mareykanka uu ku soo qabtay madaxweynaha Venezuela

Midowga Afrika oo walaac ka muujiyay xaaladda siyaasadeed ee Venezuela

Xildhibaan Abiib oo laba maalin u qabtay in lagu sii daayo dhallinyaro lagu xiray Boorama

Jabuuti oo soo dhaweysay baaqyada wadahadallada Koonfurta Yemen

Maqaallo La Xidhiidha

Puntland oo beenisay ka qayb galkeeda Mashruuca Rajo Kaaba

Xildhibaanno iyo Wasiirro ka soo jeeda Gobollada Woqooyi oo diiday Aqoonsiga Somaliland

Ka dib rabshadihii Boorama: Madaxweyne Ku-xigeenka oo difaacay ka mid ahaansha Awdal ee Somaliland