Addis Ababa (Dawan)– Safaaradda Mareykanka ee Itoobiya ayaa muwaadiniinteeda uga digtay inay u safraan Doolow oo ka tirsan Dowlad-Deegaanka Soomaalida, iyadoo sheegtay inay jiraan hanjabaado suurtagal ah oo ka dhan ah ajaanibta, oo ay ku jiraan muwaadiniinta Mareykanka.
Digniin amni oo ay safaaraddu soo saartay 16 September 2026 ayay ku sheegtay inay ka warqabto khataro suurtagal ah oo ka jira Doolow, balse ma aysan faahfaahin nooca khatarta ama cidda ka dambeyn karta.
Sabab la xiriirta khatarta sii kordheysa ee soo foodsaari karta ajaanibta u safreysa Doolow, shaqaalaha dowladda Mareykanka looma oggola inay halkaas tagaan haddii aysan haysan fasax gaar ah.
