Muqdisho (Dawan) — Markab xamuul oo sida ku dhowaad 7,008 tan oo badeeco ah ayaa ku caariyay xeebaha Soomaaliya kadib markii biyuhu galeen qayb ka mid ah markabka, sida ay sheegtay Wasaaradda Dekedaha iyo Gaadiidka Badda Khamiistii.
Markabka M/V JACUAR, oo lambarkiisa diiwaangelinta caalamiga ah yahay IMO 9181821, ayaa wata calanka Saint Kitts and Nevis.
Wasaaraddu waxay sheegtay in markabku ka soo shiraacday dekedda Nacala ee Mozambique, kuna sii jeeday dekedda Adabiya ee Masar, isagoo sida 7,007.73 tan oo badeeco ah. Markabka waxaa saaran 18 shaqaale ah oo u kala dhashay Hindiya, Suuriya iyo Masar.
