Masar oo xaqiijisay shir afar-geesood ah oo ay yeelanayaan Ereteriya, Soomaaliya iyo Suudaan

Qaahira (Dawan)- Masar ayaa xaqiijisay in Madaxweyne Cabdulfataax al-Sisi uu Axadda magaalada New Alamein kaga qeybgalayo shir wadatashi ah oo ay isugu imanayaan hoggaamiyeyaasha Ereteriya, Soomaaliya iyo Suudaan.

Madaxtooyada Masar ayaa sheegtay in Shirka Wadatashiga Alamein uu isu keenayo hoggaamiyeyaasha afarta dal, ee si ay uga wada hadlaan una xoojiyaan iskaashiga iyo isku-duwidda arrimaha gobolka ee ay dan wadaagga ka leeyihiin.

Kulankaan ayaa u dhaxeenaya Madaxweynaha Ereteriya Isaias Afwerki, Madaxweynaha Soomaaliya Xasan Sheekh Maxamuud iyo Guddoomiyaha Golaha Sare ee Suudaan iyo Cabdulfataax al-Burhan iyo Madaxweynaha Masar Cabdulfataax al-Sisi.

Shirkan ayaa ku soo aadaya xilli ay sare u kacayaan xiisadaha gobolka, kaddib markii Itoobiya iyo Ereteriya ay jareen xiriirkooda diblomaasiyadeed, halka Masar iyo Itoobiya ay si is-daba joog ah u eryeen diblomaasiyiin.

Dagaallo ayaa sidoo kale dib uga billowday Itoobiya bishii Sebtembar, kuwaas oo u dhexeeya ciidamada federaalka Itoobiya iyo isbahaysi mucaarad ah oo uu hoggaaminayo TPLF, iyadoo dagaalladu ku fiday qaybo ka mid ah koonfurta Tigray iyo gobolka deriska la ah ee Canfarta.

Madaxtooyada Masar ayaa sheegtay in ujeeddada shirku tahay xoojinta wadatashiga iyo isku-duwidda afarta dal ee arrimaha gobolka, iyadoo aan faahfaahin dheeraad ah laga bixin ajandaha shirka.

Masar oo xaqiijisay shir afar-geesood ah oo ay yeelanayaan Ereteriya, Soomaaliya iyo Suudaan

Sidee Soomaaliya ugu diyaar garowday fatahaadaha El Niño ee la filanayo?

Ururrada Siyaasadda oo aqbalay natiijada doorashadii Hirshabeelle

Qodobada ugu muhiimsan wararka Dawan

Somaliland oo ka jawaabtay hadallada Xasan Sheekh ee xaaladdeeda madaxbannaanimo

Maqaallo La Xidhiidha

Ciyaar turub ah oo ku dhammaatay dil askari

SODMA oo bulshada ka doonaysa inay ka caawiso buuxinta farqiga dhaqaale ee gurmadka

Xasan Sheekh oo Masar ku soo bandhigay fursadaha maalgashi ee Soomaaliya

Qoraallo Cusub

Masar oo xaqiijisay shir afar-geesood ah oo ay yeelanayaan Ereteriya, Soomaaliya iyo Suudaan

Sidee Soomaaliya ugu diyaar garowday fatahaadaha El Niño ee la filanayo?

Ururrada Siyaasadda oo aqbalay natiijada doorashadii Hirshabeelle

Qaybaha