Maxaa ka soo baxay shirka wadatashiga arrimaha waxbarashada Soomaaliya?

Muqdisho (Dawan) – Wasaaradda Waxbarashada, Hiddaha iyo Tacliinta Sare ee Dowladda Federaalka Soomaaliya, wasaaradaha waxbarashada dowlad-goboleedyada iyo Maamulka Gobolka Banaadir ayaa soo saaray qodobo kasoo baxay Shirka Wadatashiga Arrimaha Waxbarashada oo Muqdisho lagu qabtay, sida ay sheegtay Wasaaradda Waxbarashada, Hiddaha iyo Tacliinta Sare.

Shirka oo socday intii u dhexeysay 12-ka iyo 14-ka Agoosto 2026 ayaa lagu qiimeeyay xaaladda waxbarashada dalka, waxqabadka hay’adaha waxbarashada iyo caqabadaha horyaalla horumarinta adeegyada waxbarasho.

Ka qeybgalayaasha ayaa isku raacay in la xoojiyo iskaashiga u dhexeeya Wasaaradda Waxbarashada Federaalka, dowlad-goboleedyada iyo Maamulka Gobolka Banaadir, si loo horumariyo baahinta adeegyada waxbarashada iyo tayada dugsiyada.

Qodobada kasoo baxay shirka waxaa ka mid ahaa in la kordhiyo badqabka iyo fayo-dhowrka goobaha waxbarashada, in dugsiyada lagu xoojiyo astaamaha qaranka, iyo in la ballaariyo barnaamijka quudinta dugsiyada oo ay maalgeliso Dowladda Federaalka Soomaaliya.

Sidoo kale, waxaa lagu heshiiyay in la diyaariyo lana hubiyo shaqaaleysiinta 4,000 oo macallimiin cusub sannad-dugsiyeedka 2026/2027, horumarinta waxbarashada dadka waaweyn iyo dhammeystirka tirakoobka iyo diiwaangelinta dugsiyada Qur’aanka iyo macaahidda shareecada.

Dhanka tayada waxbarashada, shirka ayaa lagu adkeeyay dhaqangelinta mamnuucista isticmaalka taleefannada casriga ah ee goobaha waxbarashada inta ay socoto waxbarashadu, hirgelinta qiimeynta qaran ee fasallada saddexaad iyo lixaad, dib-u-eegista manhajka qaranka iyo horumarinta nidaamka tababarka macallimiinta.

Mas’uuliyiinta ayaa sidoo kale isku raacay in sanadka 2027 loo asteeyo sannad tababarro gaar ah loo qabanayo macallimiinta ka howlgala dugsiyada dalka, isla markaana la xoojiyo xiriirka waalidiinta iyo maamulka dugsiyada si kor loogu qaado anshaxa iyo dhaqanka ardayda.

Shirka ayaa lagu soo gabagabeeyay in kulanka xiga ee Wadatashiga Arrimaha Waxbarashada lagu qabto magaalada Laascaanood, caasimadda Dowlad-goboleedka Waqooyi Bari Soomaaliya, iyadoo dhinacyadu ku baaqeen in la kordhiyo maalgelinta iyo taageerada waxbarashada dalka.

Maxaa ka soo baxay shirka wadatashiga arrimaha waxbarashada Soomaaliya?

Wasaaradda Gaashaandhigga oo sheegtay in ciidanka dowladdu ay Baydhabo ku dileen ku dhowaad 30 dagaallame

Maxay ka dhigan tahay booqashada mas'uuliyiinta Qaramada Midoobay ee Waqooyi Bari?

Qodobada ugu muhiimsan ee Wararka Dawan

Hormuud oo Jaamacadda Ummadda ugu deeqday shaybaar ICT iyo 34 Kombiyuutar

Maqaallo La Xidhiidha

Madaxweyne Xasan Sheekh oo Xananbuure tababar ugu soo xiray Ciidamadii ugu badnaa ee gudaha dalka lagu tababaro

Jabuuti oo hawlgal amni iyo olole nadaafad ah ka fulisay qabuuraha Ambouli

Jabuuti oo dhaqanka iyo ciyaaaraha u adeegsaneysa xoojinta isku-xirka bulshada

Qaybaha

Qoraallo Cusub

NISA oo sheegtay in hawlgal ka dhacay Hiiraan lagu dilay saddex horjooge oo Al-Shabaab ah

Jabuuti iyo UNHCR oo ka wada hadlay maamul-daadejinta iyo horumarinta deegaannada

Maxaa ka soo baxay shirka wadatashiga arrimaha waxbarashada Soomaaliya?