Maxaa sababay in ciyaariyahan Cali Cabdi Daahir laga mamnuuco kubadda Cagta muddo sanad ah ?

Muqdisho (Dawan)- Guddiga Aadaabta iyo Anshaxa ee Xiriirka Kubadda Cagta Soomaaliyeed (XKCS) ayaa ciyaaryahan ka tirsan Mogadishu International School, Cali Cabdi Daahir, ku riday ganaax hal sano ah oo looga mamnuucay dhammaan howlaha la xiriira kubadda cagta, gudaha iyo dibadda dalka.

Go’aanka oo soo baxay 19-kii Agoosto 2026 ayaa lagu sheegay in Cali , oo xirta lambarka 11-aad, uu si bareer ah u dharbaaxay, isla markaana dusha uga istaagay Axmed Jibriil Cabdulqaadir, oo ah ciyaaryahan ka tirsan Howlwadaag School, islamarkaana xiran lambarka 6-aad.

Dhacdadan ayaa la sheegay inay ka dhacday ciyaartii MN.19 ee dhexmartay Howlwadaag School iyo Mogadishu International School, taasoo qeyb ka ahayd Tartanka Somali School Championship 2026.

Guddigu wuxuu sheegay in go’aanka lagu saleeyay warbixinno ay soo gudbiyeen garsooraha iyo xeer-ilaaliyaha ciyaarta, iyo sidoo kale caddeymo ay ka mid yihiin muuqaallo iyo markhaatiyaal loo gudbiyay guddiga.

Sidoo kale, guddigu wuxuu tixraacay qodobo ka mid ah Xeerka Tartanka Dugsiyada iyo Xeerka Aadaabta iyo Anshaxa ee XKCS, kuwaas oo uu sheegay inay saldhig u yihiin go’aanka laga gaaray ciyaaryahanka.

Sida ku cad go’aanka, Cali Cabdi waxaa muddo hal sano ah laga mamnuucay ciyaarista kubadda cagta iyo ka qeybqaadashada howlaha maamul ee la xiriira ciyaaraha, gudaha iyo dibadda dalka.

Guddiga Aadaabta iyo Anshaxa ayaa sheegay in go’aanka la gaaray 19-kii Agoosto 2026, iyadoo ciyaaryahanka loo oggolaaday inuu racfaan ka qaato go’aanka, si waafaqsan qodobbada 101 iyo 102 ee Xeerka Aadaabta iyo Anshaxa ee XKCS.

Go’aanka waxaa saxiixay Garyaqaan Axmed Cabdulkadir Maxamed, Guddoomiyaha Guddiga Aadaabta iyo Anshaxa.

Guud ahaan, ganaaxyada ciyaartoyda kubadda cagta waxaa lagu saleeyaa xeerarka tartanka iyo xeerka anshaxa ee hay’adda maamusha ciyaaraha. Marka ciyaaryahan lagu eedeeyo fal anshax-darro ah, guddiga anshaxa ayaa eegaya warbixinta garsooraha, caddeymaha muuqaalka, markhaatiyaasha iyo qaabka ay dhacdadu u dhacday.

Ciqaabtu waxay ku xirnaan kartaa darnaanta falka, waxaana ka mid noqon kara digniin, ganaax lacageed, kaar ama ganaax ciyaareed, iyo in ciyaaryahanka laga mamnuuco ciyaaraha muddo cayiman. Xaaladaha culus, ciyaaryahanka waxaa laga joojin karaa dhammaan howlaha kubadda cagta muddo dheer.

Maxaa sababay in ciyaariyahan Cali Cabdi Daahir laga mamnuuco kubadda Cagta muddo sanad ah ?

Xamse oo guddoomiyay kulankii ugu horeeyay ee Guddiga Maareynta Khataraha Masiibooyinka

Sacuudiga oo taageeraya mashruuc horumarinta beeraha Soomaaliya oo ay ka faa’iideysanayaan 4,800 qof

Soomaaliya: Jamaaco Suufi ah oo Mawliidka ku xusaysa in ka badan 1,500 geel

Puntland oo dalbatay jawaab ku saabsan duqeymaha Garmaal ee burcad-badeedda lala xiriiriyay

Maqaallo La Xidhiidha

Booliska Hirshabeelle oo Mahadaay ku dilay laba xubnood oo ka tirsanaa Al-Shabaab

Golaha Mustaqbalka oo iska fogeeyay kulan Khamiistii dhex maray Shariif iyo Farmaajo

Markab Shidaal oo lagu afduubtay Gacanka Cadmeed

Qoraallo Cusub

Xamse oo guddoomiyay kulankii ugu horeeyay ee Guddiga Maareynta Khataraha Masiibooyinka

Maxaa sababay in ciyaariyahan Cali Cabdi Daahir laga mamnuuco kubadda Cagta muddo sanad ah ?

Sacuudiga oo taageeraya mashruuc horumarinta beeraha Soomaaliya oo ay ka faa’iideysanayaan 4,800 qof

Qaybaha