Muqdisho (Dawan) – Hawlgalka Taageerada iyo Xasillinta Midowga Afrika ee Soomaaliya (AUSSOM) ayaa sheegay in doorashada Soomaaliya ee xubinnimada Golaha Nabadda iyo Amniga ee Midowga Afrika inay Golaha ku soo kordhinayso khibrad iyo aragti muhiim ah, iyadoo la tixgelinayo waayo-aragnimada dalka ee dhinacyada amniga, xasillinta, iyo dhismaha dowladnimada.
Bayaanka rasmiga ah ee AUSSOM ayaa xusay in guushan ay muujinayso kalsoonida sii kordhaysa ee qaaradda Afrika ku qabto doorka Soomaaliya ee ajandaha nabadda iyo amniga.
Madaxa AUSSOM, El Hadji Ibrahima Diene, ayaa tilmaamay in Soomaaliya ay ka sameysay horumar la taaban karo dhinacyada xasillinta, dib-u-habaynta hay’adaha amniga, iyo dhismaha hay’adaha dowliga ah, taas oo ka dhigaysa dal leh waayo-aragnimo wax ku ool ah oo ay Golaha la wadaagi karto.
