Muqdisho (Dawan) – Koonfur Galbeed ayaa maanta gashay marxalad doorasho oo muhiim ah, iyadoo 376,212 codbixiye oo isdiiwaangeliyay ay u dareerayaan doorashooyinka qof iyo codka ah ee Golayaasha Deegaanka iyo Golaha Wakiillada.
Doorashadan ayaa ka dhacaysa 13 degmo iyo 91 xarumood oo codbixin, taas oo muujinaysa baaxadda hawsha doorasho ee ka socota deegaannada Koonfur Galbeed.
Tirada guud ee musharraxiinta ayaa gaareysa 1,691 musharrax, kuwaas oo u kala tartamaya Golaha Wakiillada iyo Golayaasha Deegaanka. Golaha Wakiillada waxaa ku tartamaya 394 musharrax oo ka socda 15 urur siyaasadeed. Musharraxiintaas ayaa isagu jira 322 rag ah iyo 72 dumar ah.
Dhanka Golayaasha Deegaanka, waxaa ku tartamaya 1,297 musharrax oo ka socda 18 urur siyaasadeed, kuwaas oo ku loollamaya kuraasta 13 degmo. Tiradan ayaa u kala qeybsan 1,022 rag ah iyo 275 dumar ah.