Maxay kawada hadleen wasiirka arrimaha dibadda Jabuuti iyo Xoghayaha cusub ee Ururka Iskaashiga Islaamka ?

 Wasaaradda Arrimaha Dibadda Jabuuti ayaa sheegtay in wadahadalku uu ku saabsanaa arrimo dan guud ah, iyadoo labada dhinac ay qiimeeyeen xaaladaha waaweyn ee gobolka iyo kuwa caalamiga ah ee saameynaya dowladaha xubnaha ka ah OIC. 

Labada mas’uul ayaa si gaar ah u dul istaagay fursadaha lagu horumarin karo waxqabadka wadajirka ah ee dalalka Islaamka iyo doorka ururku ka qaadan karo xoojinta nabadda iyo xasilloonida gobolka.  Waxay sidoo kale ku heshiiyeen muhiimadda ay leedahay joogteynta wada-tashiga iyo isku-duwidda mowqifyada, gaar ahaan arrimaha mudnaanta u leh dunida Muslimka iyo difaaca danaha dowladaha xubnaha ka ah fagaarayaasha gobolka iyo kuwa caalamiga ah.

 Ismaaciil Ould Sheekh Axmed ayaa dhammaadkii Agoosto loo doortay xoghayaha guud ee OIC, isagoo xilka kala wareegay Xuseen Ibraahim Daaha. Ururka ayaa ka kooban 57 waddan, wuxuuna isu aqoonsan yahay codka wadajirka ah ee dunida Muslimka.