Addis Ababa (Dawan) — Midowga Afrika ayaa soo dhoweeyay heshiiska xabbad-joojinta ee u dhexeeya Maraykanka iyo Iiraan, isagoo ku tilmaamay tallaabo muhiim ah oo lagu dhimayo xiisadda, wuxuuna ku baaqay in wadahadalka la sii wado si loo gaaro nabad waarta.
Guddoomiyaha Guddiga Midowga Afrika, Maxamuud Cali Yuusuf, ayaa ku sheegay bayaan oo maata oo Arbaco ah in heshiisku uu ka tarjumayo “hoggaan mudan tixgelin iyo go’aan wadajir ah oo lagu dhimayo xiisadda,” ka dib markii Ra’iisul Wasaaraha Pakistan uu ku dhawaaqay xabbad-joojin degdeg ah oo labada dal iyo xulafadoodaba quseyso.
Bayaanka ayaa xusay in horumarkan uu la jaanqaadayo baaqyada Midowga Afrika ee ku aaddan xakamaynta isku dhacyada iyo xalinta khilaafaadka iyada oo loo marayo wadiiqooyinka diblomaasiyadeed.
Waxaa sidoo kale la amaanay dadaallada dhexdhexaadinta ee ay hogaaminayeen Cumaan, Turkiga, iyo Masar, kuwaas oo kaalin ka qaatay gaadhista heshiiska.
