Mucaaradka hal baa seegtay, walise daba qabasheey leeyihiin

Mucaaradnimo ku dhisan ku xumayn waxay dhashaa inaad lumiso jihaynta siyaasada, saxna maahan iney dhaqan noqoto in la taageero maamullada markay sharciga ku tumanayaan, iyadoo haddana Dowlada Federaalka lagu maagayo markay ku kacdo isla ficilladaas.

Waxaa ku habboon mucaaradka aragtiyadooda inay dhinac isku raacdo oo ay mabaadii’ ku saleysan yihiin si mowqifkooda iyo qowlkooda loogu kalsoonaado.

Waxaa iga su’aale goormaan gaaraynaa mucaarad ku dhisan qiyam iyo mabaadi’ joogta ah? Xanuunka ay leedahay mucaaradnimo noocaas ah waxaa laga warsan karaa Madaxweyne Xasan Sheekh oo maanta dhibbane u ah khudbadihiisii waaguu mucaaradka ahaa.